Kia whai Kororia ki a Ihoa o nga Mano, Matua, Tama, Wairua Tapu me nga Anahera Pono ko Te Mangai hei tautoko mai, Aianei, Ake nei Ae.

E nga iwi o te ao, naumai here mai ki te kainga ipurangi o Te Kura o Ratana.  Tenei te reo mihi atu ki a koutou katoa.  Tena koutou, tena koutou, tena koutou katoa.

Ki koutou ano hoki nga Morehu, ka nui te mihi atu ki a koutou.  Ko te tumanako, kia tu enei wharangi hei whakaaturanga mo a tatou tamariki mokopuna.

Engari e mohio ana matou nga piki me nga heke o tenei mea te Ipurangi. No reira ka huri matou ki te Inoi a to tatou Papa, T.W. Ratana, Mangai i te wa i tuwheratia te Kura.

"Koia e inoi ake nei kia haere te Matua i mua i a tatou tamariki, kia mohio ai ki nga mahi e whawha ai nga ringa, e korero ai te waha, e rongo ai nga taringa, e kite ai nga kanohi: otira ahakoa he aha te ahua o te mahi e tumanokiatia ana, kei reira ano te Ha o te Matua."

No reira, tenei ano te mihi aroha atu ki a koutou katoa.  Ko te tumanako, ma Ihoa o nga Mano, e tiaki, e manaki ia tatou i nga wa katoa.

Naku noa iho, Na


Jennifer Waitai-Rapana
Heamana o Te Poari